متعودين تكون الستيكي بنز بعجينة السينامون رولز لكن هذه مختلفة ومفروض تكون بعجين سادة مع طبقة الكراميل والبيكان ..لكن حبيت إني أحشيها جبن وصارت خلية نحل جامبو بالبيكان والكراميل ..لذيذة جربوها وإن شاء الله تعجبكم .


مقادير العجينة:
٤ أكواب دقيق
نصف ملعقة صغيرة ملح
اصبعين زبدة باردة (٢٠٠غم)
نصف كوب سكر ناعم
ملعقة طعام مليانة خميرة
(٣ ملاعق حليب بودرة مذوبة بكوب ونصف ماء)
١ بيضة
الحشوة: جبن كيري


مقادير الكراميل:
١٠٠ غم زبدة 
٣/٤ كوب سكر بني
١/٢ كوب عسل (أحب أخلط عسل مع الميبل سيرب (شراب القيقب)
كوب بيكان مقطع انصاف وممكن تستخدمون جوز

 

 

خلطات القهوة الفاخرة من يتوق

 


الطريقة:
بوعاء العجن اخلطي الدقيق مع الملح وافركيهم بالزبدة ممكن بيدك أو بمضرب الخلط الخاص بالعجانة بعد ماتختفي الزبدة بالدقيق أضيفي عليها السكر والخميرة واخلطيهم ثم أمزجي البيضة بالحليب وأضيفيها عليهم واعجني حتى يصير عندك عجينة لينة...انقليها لوعاء أو علبة مدهونة بالزيت واتركيها تخمر لساعة أو ساعة ونصف تقريبا .


نجهز الكراميل: نذوب الزبدة في الميكرويف أو على حرارة متوسطة لحد ماتذوب . ثم نبعدها عن النار ونضيف لها السكر البني والعسل ونخلطهم تمام .


نصب المزيج في صينية الفرن (استخدمت دائرية مقاس ٣٠ سم) نفرش الخليط بالصينية ونوزع البيكان فوقه


بعد تخمير العجينة :نجهز الفرن على حرارة ٤٠٠ فهرنهايت (٢٠٠سيلزيوس) ونبدأ نشتغل بالعجينة على مايحتمي الفرن.


نقسم العجينة ل٢٤ قطعة ونأخذ كل قطعة عجين ونحشيها بنصف جبنة كيري (حسب رغبتك الكمية) ونقفلها جيدا بجع الأطراف وضغطها عشان متفتح بعدين (مايحتاج تكوير)
نصفها بالصينية فوق البيكان بحيث يكون مكان غلق الأطراف للأعلى .وبعد مانخلص من كل الكمية نغطيها ونخليها تخمر زيادة من ٣٠ ل٤٥ دقيقة تقريبا 


ندهنها بالفرشاة بحليب سائل وندخلها الفرن بالرف الأوسط (ماتكون تحت )..تحتاج من ربع ساعة لثلث ساعة وتجهز أو بتشوفونها بدأت تشقر الأطراف ومن الأعلى ..أهم شي لاتطول اكثر عشان ماينشف الصوص اللي تحت ويحترق. ولاتستعجلون عشان ماتصير عجين من داخل .


طلعوها من الفرن واتركوها دقيقتين ترتاح بعدين اقلبوها ويفضل تقدم على طول أو بنفس اليوم وبالعافية .