شكل هذه الكيكة خرافي كأنها من محل لكن خطواتها بسيطة يمكن تجهيزها في البيت!

 

الكريمة :
٣ بيض
٢ كوب حليب 
٦٠ جرام ( ٣/١ ثلث كوب + ١ ملعقة كبيرة) نشاء
٢٠٠ جرام ( ١ كوب ) سكر 
٢ ملعقة صغيرة فانيلا سائلة 
١٠٠ جرام زبدة مقطعة مكعبات

 

الطريقة:

 نذوب النشاء بالحليب وهو بارد ، نحطه على النار يسخن وننتبه له عشان مايتكتل وبنفس الوقت نخفق البيض مع السكر إلين يفتح لونه، إذا سخن الحليب نضيفه على البيض على دفعات نحط كمية قليلة ونخفق وهكذا عشان ماينطبخ البيض ويتكتل بعد مانحط كل كمية الحليب على البيض نرجعه للقدر ونحطه على النار ونضيف الفانيلا ، نخليه على النار مع التحريك المستمر إلين يتماسك ويصير قوامه نفس اللي بالصورة، نرفعه عن النار ونجيب مشخال ونحطه فيه عشان نتخلص من الكتل إذا وجدت ثم نحط الزبدة ونحرك إلين تذوب نحطه بصحن ونغطيه ببلاستيك ولازم يلامس سطح الكريمة وندخله الثلاجة يبرد تمامًا.


الكيك :
١ بيض
٧٠ جرام ( ثلث كوب ) سكر
١٦٠ جرام دقيق
١ ملعقة كبيرة عسل
٦٠ جرام زبدة ، مذوبة
٢/١ ملعقة صغيرة بيكنج صودا

 

الطريقة:
نشغل الفرن على ١٨٠ ، نخفق البيض مع السكر إلين يصير لونه فاتح ويذوب السكر، نضيف العسل الزبدة المذوبة بالتدريج -مانضيفها وهي ساخنة نخليها تبرد-، ثم نضيف على دفعاتالدقيق بعدما نضيف له البيكنج صودا، نستخدم ملعقة خشب أو سيلكون بالتحريك، القوام بيصير متماسك نفس عجينة التارت ، الحين نحطها على ورق زبدة ونحط فوقها بعد ورق زبدة ونفردها بمقاس ( ٤٠ / ٣٠ ) سم ، يعني يكون شكلها مستطيل .. نحطها بصينية وندخلها الفرن ٨ دقائق أو إلين يصير لونها ذهبي فاتح .. نخليها على جنب تبرد


صوص الفراولة :
٤٠٠ جرام فراولة ( يُفضل المجمدة )
١٠٠ سكر 
٢ ملعقة صغيرة جيلاتين
٢/١ كوب ماء

 

 

خلطات القهوة الفاخرة من يتوق

 

 

الطريقة:

نذوب الجلاتين بالماء، نحط الفراولة والسكر في قدر على النار نخليها إلين تذوب الفراولة ويثقل الصوص ١٠ - ١٥ دقيقة، ثم نخلطه بالخلاط أو إذا تحبونها ناعمة مرة اشخلوها ، نشيلها على جنب إلين تبرد ثم نضيف الجيلاتين ونحرك .. نجيب صينية مستطيلة يكون حجمها قريب من حجم الكيك اللي سويناه نحط بالصينية ورق زبدة أو ورق تغليف بلاستيك غير لاصق .. الحين نصب صوص الفراولة بالصينية وندخلها الثلاجة إلين تتماسك زييييييين.


تجهيز الكيك النهائي :
نجيب صينية الصوص ونقلب فوقها الكيك ، ثم نجيب صينية أكبر ونقلبهم فيها يصير عندنا طبقة الصوص وتحتها الكيك .. نجيب الكريمة ونحطها فوق الصوص نفردها فوقها ( ممكن نستخدم كيس الحلواني لتسهيل التوزيع ) نخلي تقريبًا ربع الكريمة عشان نزين به وجة الكيكة .. ندخلها الثلاجة من ساعة إلين ساعتين .

 

  • الترتيب والتقطيع : نقصص حواف الكيك ونخليها بشكل مستطيل متساوي ثم نقص الكيك لثلاثة أجزاء متساوية
    نأخذ جزء الكيك الاول ونحطه على الثاني ثم نحطها على الجزء الثالث ، وصار عندها ثلاث طبقات زي الصورة