الحنيني من الأكلات الشتوية الشعبية المشهورة في السعودية بنجد وخاصة القصيم ..وكل بيت له طريقته بعمل الحنيني ..أساس الحنيني التمر ويفرم معه قرصان أو خبز خاص تخبزه راعية البيت أو دقيق بر أو خبز مفرود بر..الحنيني أحب أسويه بخبز مفرود وأحب إضافة قشطة له أو حليب ..الزبدة ممكن تقللونها حسب رغبتكم.


المقادير:
4 اكواب تمر من دون نوى 
كيس خبز مفرود  بر(الحجم الكبير)
اصبع زبدة (100غم)
1/2 علبة قشطة

 

 

قهوة الشعير الفاخرة من يتوق

 

 

الطريقة:
قطعي الخبز لقطع صغيرة وافرميه مع التمر (على دفعات) باستخدام محضرة الطعام أو فرامة لحم .

ذوبي الزبدة على النار وأضيفي لها  الخبز والتمر اللي فرمتيه.

حركيهم على حرارة متوسطة عشان مايحترق الحنيني ..

استمري بالتحريك تقريبا 10ل15 دقيقة .(راح يتغير لون الحنيني للأغمق ويكون ألين)

أضيفي القشطة وكملي التحريك عشان تتداخل القشطة بالحنيني ..(إذا تحبون الحنيني ألين أضيفوا زيادة قشطة)
يقدم حار أو دافيء مع الزبدة  وشرائح الليمون.